الأظافر من اهم مايميز انوثتك وجماك يديكِ
الأهتمام لايقتصر على تطويلها وبردها بأشكال متعدده انما قوتها ولونها وشكلها اقصد بقوتها انها ماتتكسر بإستمرار
- لونها
مايكون باهت مايل للإصفرار
- شكلها
اكيد لازم تبرديها بالشكل الي يناسب شكل اصابعك ويدك
وافضل شيء ان طولها يكون متوسط ولايكون طولها بشكل مبالغ فيه لأن كل ماكان طولها مبالغ فيه كان شكلها مقزز
مايقتصر الأهتمام بالأظافر بـ هالخطوات فقط بشيء اهم وهي التغذيه وممكن نقص بعض الفيتمينات يسبب تكسر الأظافر وبهتانها واصفرارها حللي بإستمرار لو عندك نقص في الكالسيوم او فيتامينات اخرى خذي فيتمينات مكمله طبعا بعد ماتستشيرين طبيب وتحللين
واذا حليتي هالمشكله ابدأي اهتمي بالطرق الاخرى
- برد الأظافر
برد الأظافر شغله دقيقه مره لأن واحنا نبرد الظفر
مككن نأذيه لو نبرده بطريقه غلط لازم البرد مايكون بطريقه قويه وجافه نبرد الظفر بطريقه خفيفه وبكذا مابنخسر الطفر ومانبرده على فوق نحاول نبرد الظفر بطريقه منخفضه عشان مايترّقق الظفر ويعمل طبقات
بعد مانبرد الظفر بطريقه صحيحه نحط كريم عشان يترطب الجلد الميت حوالين الظفر لأنه فيه زيت خاص بترطيب هالجلد حوالين الظفر بعدها ننقع الأظافر في الماء
ويفضل الماء يكون دافيء او مائل للساخن لينعم الجلد ويكون في الماء طبعاً مواد او صابون للأيدي ومايكون يضر او يسبب حساسيه لمده 10 دقائق بعدها ناخذ الأدوات الخاصه بقص الجلد الميت ونعمل على ازالته لنعطي الظفر مساحه
* ملاحظه
سمعت معلومه طبيه تقول ان ازالة الجلد الميت حاولين الظفر غلط لأنه وضع لحماية اصابعنا وجلدنا من دخول البيكتيريا الي تضر الجسم وتسبب امراض سبحان الله ماخلق شيء عبث جعل هالجلد لحمايتنا وصحتنا فالأفضل ان نقوم بابعاد الجلد عن طريق توسيع مساحة الظفر بالأداه الخاصه من دون قص الجلد والي مايحتاجون لـ هالخطوه لايعملونها بس الي مظطرين وماعندهم مساحه بأظافرهم يعملون هالطريقه ولازم انهم يعقمون ومايقصون الجلد بطريقه غلط او يكون قصها يأذي هالجلد وبعدها ضروري التعقيم
وبعد ماننتهي ناخذ كريم مرطب ونعمل مساج للأظافر والجلد الي حاولينها وتكونون عارفين مكوناته وومايكون فيه عطر ابداً
وننهيها بترطيب اليدين وفيه ناس بيستعملوا بعد مايخلصوا منشفه ساخنه يعني حاطينها من قبل بماء ساخن عشان تشيل الكريم الزايد وتسحب زوائد الكريم الي على الاظافر عشان يعملون مناكير ويكون وضعها سليم وصحيح وتكون جميله اكيد
ولو كنتي بتهتمين بشتى الطرق وماعندك مشاكل صحيه ولانقص فيتامينات وبتتكسر اظافرك وفيها اصفرار وبهتان استعملي مقوي اظافر
هالمقوي من
essence
-اسمه
Studio nails
Pro white effect
حلو يقويها ومره نفعني انا اظافري طبيعتها قويه وتطول معي بس احياناً تجي فترات تتكسر
وممكن تصير فـ ضروري يكون عندك مقوي اظافر حتى وان كانت اظافرك قويه
واذا كنتي بتغسلين وتعرضين يدك للماء الساخن والصابون والكلور بيضر وبيسبب لك مشاكل في اظافرك وفي بشرة يدينك اكيد لازم تلبسين قلافزات تحمي يدينك طبعاً القلافزات فيها ماده جايه بودره تقريباً تأذي الاظافر اذا كنتي تلبسينها دائماً ولفترات طويله بس هي افضل من انك تضرين يدينك بالصابون والمواد الكيميائيه بعد ماتفكينها اغسلي يدينك ورطبيها وقبل النوم لاتهملين الترطيب والفازلين مره حلو للأظافر حطي على الظفر زي لمن تدهنين يدينك والجلد حاولين الظفر يغذي ويقوي الاظافر
....
ليست هناك تعليقات:
إرسال تعليق