اليوم بتكلم عن التجهيز في وقت قصير
اذا صار لك طلعة مفاجئه او عزيمه وماعندك وقت
هنا فيه تجهيز معين يمكنك اتباعه
اللبس
قبل كل شيء لازم يكون لبس الطلعات جاهز مغسول ومكوي
عشان يسهل عليك اختيار اللبس واختصار الوقت
مو تروحين تكوين ويروح عليك الوقت
اختاري اللبس ونسقي عليه الاكسسوارات الي تناسب واذا اخترتي الاكسسوار المناسب حطيه بشنطة اليد الي بتاخذينها لين تنتهين من تجهيز نفسك وتلبسينها اخر شيء حتى لو بالسياره ، من هالنقطه بقول جهزي الشنطه المناسبه ضعي فيها الجوال وشاحنك والاشياء الضروريه عطر كريم مرطب ،مرطب شفايف ، ارواج ، مسكارا
بلاشر ، ...إلخ يعني الاشياء الضروريه الي لازم تكون معاك جهزيها بسرعه وكملي تجهيز حتى اذا انتهيتي تاخذي الشنطه وانتي متأكده انك حاطه فيها كل اشيائك الضروريه
مهما كنتي سريعه في وضع الميك آب اوتصفيف الشعر
و صممتي على تجهيز نفسك في هالوقت القصير مثل لما تجهزي نفسك تجهيز كامل في وقت اطول
راح تفشلين
تسريحة شعرك
اذا وقتك قصير لمي شعرك على فوق بس مو تشدينه مره بيطلع شكلك رسمي جداً طبعاً اذا شعرك غير مصفف او مرتب
اما اذا كان مرتب ومصفف تقدرين تلمينه بالشكل الي تبغين او تتركيه منسدل
المكياج
طبعا اهم شيء الحواجب اول حاجه رتبي حواجبك وارسمييها لانها اهم شيء في الوجه وتغير من شكل الوجه بشكل كبير اذا كانت مظبوطه تعطي جمال للوجه وتبرز الملامح ،
ولازم تكونين دقيقه فيها شوي ؟
ان شاء الله المرات الجايه اسوي تدوينه كامله عنها
رطبي بشرتك على السريع وضعي الفاونديشن او البيبي كريم الي تفضيلنه بعد الحواجب لان توزيع الفاونديشن اسهل واسرع من الحواجب
اعتمدي روج صارخ يعني احمر مثلا او اي لون قوي وبلاشر
والعيون حطي مسكارا فقط
لان العيون يبغالك وقت تضبطينها ولازم تكونين دقيقه واذا استعجلتي راح تحوسين ع الفاضي
اختصري الوقت وركزي ع روج قوي لونه زي ماقلت راح يعطيك اطلاله جميله تغنيك عن الكحل
بكذا اختصرتي الوقت ولاحستي في نفسك
هذي الخطوات يفيدك في الاوقات الحرجه والضيقه .
لكن نصحيتي انك تكونين مجهزه من قبل بوقت كافي حتى تظهري في كامل اناقتك واجمل منظر تحبين تخرجين فيه
....
ليست هناك تعليقات:
إرسال تعليق