الكوريكتر له عدة ألوان وظائفه انه يغطي بعض البقع الي مايغطيها الفاندويشن والكونسيلر
الكوريكتر البني
للبقع الداكنه والسمار حول الشفتين عشان مايقلب لونها رمادي هو المناسب لهذي البقع
الكوريكتر الأخضر
للحبوب الحمراء او البقع الحمراء يغطيها تماماً
والكوريتر الاصفر
لإخفاء العروق الي يكون لونها بنفسجي
الكوريكتر البرتقالي
يغطي الهالات الغامقه او اثار الحبوب اي بقعه تكون غامقه ومايله لسمار الشديد
الكوريكتر الأبيض
يعتبر (هايلايت ) ولإخفاء الحواجب
الكوريكتر الأزرق
لـ نظارة البشره الباهته
كيفية وضعه
ترطبين ثم تضعينه على البقعه المرغوب إخفائها بعدها تدمجينه بفرشه او اسفنجه او بالإصبع يفضل بالإسفنجه يكون بالطبطبه عليه حتى تكون تغطيته اقوى بعدها تضعين فاونديشن وبعده كونسيلر بعدها تثبتين بـ لوس باودر
اذا كانت الهالات عندك متوسطه تقدرين تستغنين عن الكوريكتر بحيث انك تاخذين كونسيلر اغمق من لون بشرتك بعدها تحطين كونسيلر بلون فاتح وبكذاتختفي الهالات ولايقلب لونها رمادي ،الي ماعندها هالات واضحه تكتفي بكونسيلر او هايلايت على طول زي ماقلتلكم قبل
طبعاً مو كل البنات يحتاجونه بس الي عندهم بقع ماتتغطى بالفاونديشن والكونسيلر
اما الكوريكتر الي استعمله انا فهو هذا البالت
كوريكتر من
MAKEUP FOR EVER
فيه خمسه الوان كلها مصححه للبشره
اللون البني من اليمين حلو للبقع الغامقه
بس فاتح على البشره ويقلب لونه على وردي مايعطي نفس اللون بس نتيجته تعطي نفس نتيجة اي كوريكتر ثاني
الثاني برتقالي
يعطيك على البشره مشمي كذا مادري كيف لونه بس ينفع للهالات الغامقه مره
الثالث اخضر
بس كمان نفس الشيء فاتح ويعطي اللون على اصفر بس اذا حطيتي اكثر من طبقه يعطيك تغطيه تمام وبما ان لونه يعطي على اصفر تقدرين تغطين فيه العروق الي يكون لونها بنفسجي اثنين في واحد
الرابع
كونسيلر
الخامس والاخير
لونه على اصفر جاي فاتح مره زي ماأنتوا شايفين هوه
هايلات و ينفع لتغطيةالشعر الزائد من الحواجب واذا تبين تفتحين تحت الحاجب وتحت العين ينور المنطقه
هذا البالت جميل مع اني ذكرت لكم ان مو نفس الي كنت ابيه بس الي بالمحل عطتني هذا وانا ماأنتبهت اخذته وطلعت انا ابي الكوريكتر الي يجي لونه ازق وبرتقالي و.. تكون اقوى من كذا و واضحه ألوانه ماأقول يغني عن باليت الكوريكتر لكن يقرب من نتيجته
هو ثقيل شوي بس اذا خففتيه بأي شيء يمشي معك واذا دمجتيه صح البشره ومره احبه وانصح فيه
اذا حابين تجيبونه انصح بالباليت الثاني خصوصا الي عندهم اثار قويه وهالات او احمرار بالبشره ،دوروا البالت الي يكون فيه تقريباً جميع الألوان
تلقونه بـ وجوه و ڤاڤافوم
السعر
169
راح انزل بالانستقرام فديوهات توضح لكم طريقة وضعه
.......
ليست هناك تعليقات:
إرسال تعليق