SKIN CARE ROUTINE

روتين العنايه بالبشره 

بتكلم عن روتيني للعنايه بالبشره هالفتره وايش المنتجات الي استعملها لاني بين فتره وفتره اغير 

الغسول الي استعمله غارنيه 

             

                SKIN NATURALS 

                 Pure Active 3in1 

                   

نزلت بوست عنه بـ الانستقرام 

تنظيفه للبشره ممتاز واحس بنعومه بعده لانه غسول ومقشر وماسك 

يعني بجد يفيد وينفعك لو انتي شوي بتهملين انك تعملين سكرب لبشرتك او ماسك ينفع 

تبين تعرفين عنه اكثر نزلت بوست عنه بالانستقرام 

مرطب البشره 

استعمل 

                BIODERMA

                 Atoderm pp

                   Baume

                          

للبشره الحساسه وشديدة الجفاف والمختلطه 

- كريم اصلاح حيوي مكثف وملين او مرطب بتركيبه بي بي الذي يمكن خلايا الجلد من إنتاج سيراميد والاحماض الدهنيه بشكل طبيعي ، يعيد غلاف هيدرولبديك 

- وينشط قدرة الحاجز الجلدي على اصلاح نفسه 

- يحتوي على المكونات النشطه المغذيه لتعزيز حاجز الدهون يجعل البشره ناعمه واكثر ليونه واكثر راحه 

- مناسب لبشرة الأطفال والبالغين الذين يعانون من جفاف جلدي شديد ومتكرر والتهيج 

- خالي من البارابين وخالي من العطور ومضاد للحساسيه 

-ينفع للوجه والجسم 

تقريبا هذي المميزات المكتوبه على المنتج 

السعر 

192 

تلقونه بصيدلية النهدي واكيد في صيدليات ثانيه 

طبعاً افضل مرطب بشره وترطيبه جدا عالي بس هالنوع للبشره الجافه انا بشرتي دهنيه بس احياناً تصير جافه طبعاً هالكريم لامي عشان مناسب لنوع بشرتها بس لو احتجت اني ارطب احط منه شوي بس احيانا يطلع لي حبوب بعد ماارطب لان كمية الزيت فيه عاليه والمرطبات الي تحسين اكثر مضمونها زيت تطلع حبوب ورؤس سوداء احياناً 

فيه مرطبات يكون مكونها ماء وهي الأفضل للبشره الدهنيه هذا كلام (الميك آب ارتست وعد التركي) بجد صح كلامها ،

لاني كنت استعمل كورس من ماركه ماادري اذا تعرفونها او لا اسمها باباريا هي منتج اسباني 

استعملته شهر او شهرين تكون مجموعه كامله * ان شاء الله اصورها لكم واتكلم عنها بالتفصيل وعن تجربتي لها * 

صح انا ماأحب استعمل شيء مااعرفه او مانصحني فيه دكتور بس هي  *غسول - وتونيك - ومرطب *

يعني اذا مافادت مابتضر واستعملتها صفت بشررتي مره والكريم المرطب احس مكونه مويه ولمن احطه يرطب وتتشربه البشره ولا يطلع لي حبوب لكن عيبها بعد ماتنتهي او بعد مااخلص الكورس تظل البشره فتره صافيه بعدين ترجع ,بس جد فادتني وحبيتها 

وعادي لمن تطلع لك حبوب وانتي مهتمه او ماشيه على كورس معين ممكن تكون تغير بالهرمونات او من اكل معين او ميك آب منتهي وما أنتبهتي لتاريخه يعني كذا سبب 

وبس شوفي وش اصل المشكله وعالجيها وتخلصي منها اذا انتبهتي لبشرتك ان شاء الله ماتخرب

- سكرب 

غسول غارنيه الي قلت عنه هو غسول وسكرب وقناع يعني يغنيني بأكثر الأحيان عن اي سكرب ثاني 

واستعمل هالمقشر من الصيدليه 

اسمها 

                     ST. MORIT z

                      APRICOT

                  FACAL SCRUP

                

            

ستي موريتس كريم صنفره منظف الوجه من خلاصة حبيبات المشمش 

ينشط الوجه ويجعله متألقاً ونظيف وحيوي حيث يقوم بإزالة القشور الباهته عن الجلد ، يحضر من خلاصة المشمش الحاف وبعض النباتات الملطفه للجلد مثل قشر الليمون والزهور والبابونج 

يجعل الجلد طري واكثر نقاء ونظافه 

هذي مميزات المنتج الي على العبوه 

بس جد فيها ماده مرطبه وتحسين انها تنظف وتعطي انتعاش ونقاء 

وتقريباً اي مقشر يعطي نفس هالنتائج 

- طريقة الإستعمال 

ضعي من المستحضر على الوجه والرقبه ودلكي بحركه دائريه تجنبي منطقة العيون ثم اشطفي بعد الاستعمال بالماء الفاتر 

خذي من الصيدليه اي صنفره للبشره بأي نكه تحبينها بالعاده السكرب مايضر البشره الا لو استعملتيه بشكل غلط مثل انك تدلكي بقوه او تستعملي السكرب مع جهاز تنظيف الوجه طبعا الجهاز ماينفع معه ابد تستعملي سكرب كذا بيأذي بشرتك بشكل كبيير واصلا السكرب يكفي ولازم بلطف تستعمليه ، المهم سكرب كل اسبوع مره 

وفيك تستعملي سكرب طبيعي مثل زيت زيتون وملح او سكر بس الي بيتحسس وجهها تستعمل اي شي مناسب لها 

 - ماسك

اي ماسك تبين اما من الصيدليه او طبيعي من البيت مثل ماسك العسل اوالزبادي 

او ماسك الخيار والزبادي مع بعض اي ماسك انتي حابته استعمليه الماساكات احب انوع فيه كل اسبوع حاجه غير الحين استعمل ماسكات طبيعيه لو استعملت شيء من الصيدليه بصورلكم 

- واقي الشمس 

      EAU THERMALE Avène

              

استعمل هالواقي كلنا نعرف انو الواقي من الشمس شيء ضروري لازم يكون معنا ع طول لأنه يحمي البشره من الاشعه الفوق بنفسجيه الضاره بالجلد فيه ناس يتسعملونه بس بالصيف 

لاحتى بالشتاء الشمس ترسل اشعتها الضاره طوال السنه 

لازم تستعملين واقي مناسب لنوع بشرتك 

* نصائح مهمه 

- تجنبي التعرض لـ أشعة الشمس المباشره من فترة الظهر الى وحتى الرابعه عصراً 

- استعملي واقي الشمس المناسب لبشرتك 

- اعيدي وضع الواقي اذا تعرضتي للمياه مثل السباحه او الوضوء او العرق 

- وضع كميه مناسبه لأن وضع كميه اقل من المطلوب لاتعطي الوقايه المطلوبه 

- ارتداء نظارة شمسيه 

- استعمال واقي الشمس حتى في الظل لان أشعة الشمس تنعكس على بعض الأسطح مما قد يعرضك لحروق الشمس في حالة عدم استعماله 

                EAU THERMALE 

                       Avène

لها مجموعه كبيره من واقيات الشمس 

استعملي مايناسبك منها 

- فيه اعلى حمايه ممكنه SPF 50 

- مناسب للبشره الحساسه والأطفال 

- مقاوم للماء بنسبه كبيره 

- مضاد للأكسده والتجاعيد 

هالواقي فيه معامل الحمايه SPF 50

يعني اذا قارنته في واقي بيوديرما هذا الافضل لان بيودريما كأنه فاونديشن ولونه فاتح مره يعني يقلب البشره على رمادي مع ان بشرتي فاتحه بس هو فاتح بزياده بس لمن كنت استعمله احط فوقه فاونديشن خفيف عشان لونه 

كنت استعمل بويديرما هو من افضل واقيات الشمس بس هالعيب الي ذكرته هو الي مضايقني منه بس تقدرين تتلافين هالشيء زي ماقلت بـ فاونديشن او بودوه .. بس افضل الواقي يكون ماله لون الحين استعمل واقي آفين وحبيته

         

             

                            ..... 

روتين العنايه برمضان

 

كلنا نعرف اننا نهمل الاهتمام بأنفسنا شوي برمضان بحكم الشغل ومافيه وقت وانا بعد كنت من الناس الي أهمل بس الحين خلاص مافيه اهمال حتى لو الوقت ضيق ومايمدي 

نخصص لنفسنا يوم بكل اسبوع وبـ هاليوم ساعه ساعتين تكفي وحتى اقل من هالوقت ممكن يكفينا بس كـ حد اقصى 

الشعر 

قبل تدخلين المطبخ اعملي حمام زيت لشعرك بأي زيت انتي حابته وخليه يترطب هالكم ساعه الي بتشتغلينها ولمن تخلصين شغل تغسلين شعرك 

وتحطين له ماسك وتحاولين انك ماتستشورينه وماتعرضينه للحراه ريحيه بحكم ان الزيارات والمناسابات تقل برمضان او حتى لو فيه يعني ريحيه بالوقت الي مايكون عندك مناسبات 

واتركيه لمن يجف اظفريه بس لاتظفرين وهو مبلل لأنه اكبر غلط يضره ويكسر الشعر 

بس وهو ناشف لاني قلت لكم بتدوينه العنايه بالشعر ان الظفر يحفظ الشعر من التساقط ويرتبه وبكذا يكثر شعرك ولو بنسبه بسيطه 

مو شرط انك تعملي حمام زيت ، فيه ناس يحبون يحطون حنا لشعرهم حطي حنا ، خلطات 

اهتمي بشعرك بالاهمتام الي تحبينه او الروتين الي تمشين عليه دايم ، اهم شيء لاتهملينه 

في الليل ابدأي ببشرة وجهك وجسمك بعد ماتنتهين من الصلاه وقراءة القرآن كلها ساعه او أقل 

البشره 

امشي على روتينك العادي اقل شيء بتسوينه 

وهي الغسول التونيك مقشر مرطب يعني لاتهملين وخصوصا بهالشهر الفضيل نتعرض لحراره الفرن واحنا بنطبخ وهالشيء يأثر ع بشراتنا اكيد مع حرارة الجو بتطلع لنا حبوب صغار ودهون ف لو حافظنا اقل شيء ع روتينا العادي الغسول والتونيك وكريم مرطب ...إلخ

يقلل شوي من هالمشاكل 

غير هالروتين لازم ماسك مره او مرتين بالأسبوع 

لانها بجد تحسن البشره وتعطي نضاره يعني لو انتي من الناس الي تهملين الماسكات وبديتي تحطينها بتشوفين فرق كبير بعد ماتستمرين عليها

ماسك من الصيدليه اي ماسك تحبينه او ماسك طبيعي تعملينه بنفسك 

والاهتمام في البشره مايقتصر على بشرة الوجه وانا اتكلم عن هالروتين امشي عليه لوجهك وجسمك 

سوي سكرب كل اسبوع لكامل جسمك والتركيز على اليدين والركب والمرفقين لأنها اكثر اماكن تسمر 

-زيت زيتون وسكر او ملح 

-بيكربونات الصوديوم وليمون هـ الأخير تكلمت عنه قبل ونتائجه تبان بعد شهر تقريباً الحين معك شهر يمديك 

- وصنفره من الصيدليه سواء لوحدها او مع حمام سونا كلها تفيد البشره وتغير منها مو تسوينها مره مرتين وتقولين مافادت لا اعمليها كل اسبوع وشوفي بشرتك شلون تتحسن سواء وجهك او جسمك

 وانا جد مااقولك اني اهتم الاهتمام المبالغ فيه الي مو اي احد بيقدر عليه او مو اي وحده بتصبر عليه لا انا احب الاشياء الخفيفه بس الي تجيب نتيجه وتفيد 

يعني ماقلتلكم اشياء صعبه او مكلفه اشياء عندكم متوفره بس تهملونها احياناً 

لوجهك

- غسول ،مقشر ،مرطب ،ماسك

ويصير يازينه 

لجسمك نفس الشيء 

ومرطب بعدها قد ماتقدرين ترطبين ، دائماً اقولكم  هالكلام وطفشتكم منه بس جد اهتمام وتقشير وتتعبين نفسك وماترطبين ماكأنك سويتي شيء وبتكون النتيجه عكسيه 

الاظافر 

اهتمي فيها استعملي لها مقوي لو كانت طويله مره وتتكسر قصيها من هالوقت عشان يمديها تطول ويجي العيد وطولها معقول وحلو لأنك لو طولتيها من الحين لين العيد بتطول بزياده ماحب طول الأظافر الاوڤر مره مقزز 

بس زي ماقلت قصيها وابرديها بالشكل الي تحبين وخليك لابسه القلافزات وانتي تشتغلين وتغسلين عشان يدينك واظافرك ماتتضرر ، لمن يكون ماعليك صلاه حطي المقوي في هـ الكم يوم الي ماتصلينها بتفيد اظافرك مرره 

الماسكات 

ماسك العسل 

العسل ينقي البشره ويخفف من تهيج البشره يعني يريح البشره ومفيد 

-ماسك الزبادي 

الزبادي معروف يصفي البشره وكمان يعتبر مقشر للبشره طبعاً بنسبه خفيفه جداً ويفتح البشره 

-ماسك الزبادي والخيار 

فيه ناس يحبون يحطونها مع بعض يعتبر ماسك ممتاز الزبادي زي ماقلت يصفي ويفتح والخيار يعطي ترطيب وحيويه وانتعاش ويصفي البشره 

-ماسك الأفوكادو 

تجيبين افكادو تخلطيه مع زبادي او لحاله يعطي نظاره للبشره ويصفيها ، وكمان للشعر شيء مو طبيعي يعطي لمعه فضيعه 

تقريباً هذي اغلب الماساكات المفضله الي نتايجها تبان مره بعد مره 

ولو حابه اي ماسك من الصيدليه مايضر وانا قريت كثير انو الماسكات اذا مافادت مابتضر 

يعني الماساكات والله انها شيء حلوو وتغير. من بشرتكك كثيرر وترا الاهتمام يبان 

كمان حاجه مهمه انه مظهرك يكون مرتب حواجبك رتبيها شقريها من اسبوعين الى ثلاثه 

مو كثير ترهقين حواجبك عشان لمن تشقرين للعيد يكون شكلها حلو ، عشان يكون شكلك مرتب ولو حصلت لك مناسبه معينه او زياره مفاجأه تكونين مرتبه وماتنحاسين 

اخر شيء لاصرتي فاضيه حاولي تسترخين تعملين لك حمام وحطي لك رغوه بالنكهه الي تحبينها استرخي شوي بالمويه هالشيء يجدد لك الطاقه وتسترخين بعد التعب والشغل ويريحك وذهنك يصفى ونفسيتك ترتاح

 ماعطيتكم في هالمدونه منتجات بس عطيتكم افكار 

واشياء بسيطه تعملونها  

حاولت اعطيكم روتين بسيط تمشون عليه وبجد بيفيدكم كثير

يعني اذا اهتميتي مابتجي ليلة العيد وانتي يبيلك شغل كثير وتعب لا بيكون خفيف اهتمامك عشان كذا اهتمي لين العيد وتشوفين ، مو تجي ليلة العيد وانتي كلك مشاكل ومو عارفه من وين تبدأين وايش تسوين لو اهتميتي يخف عليك كثيير ويجي العيد وانتي وش زينك  وتشتغلين بأشياء ثانيه وتوفرين على نفسك وقت وجهد 

                  .......

   بخاخ ميست فكس من فور ايڤر

              

              MAKE UP FOR EVER

                      MIST & FIX 

بخاخ مثبت المكياج (سبريه) يثبت لك الميك آب فتره اطول ويحافظ عليه من التأثر بالعوامل الخارجيه مثل درجة الحراره الي ينتج عنها ذوبان المكياج في اغلب الأحيان ، ويحل مشاكل بعض البنات الي تحس انو بشرتها تتشرب الميك آب وبعد فتره قصيره بدأ يخف وتمتصه بشرتها وتظطر انها تعيد عليه هالبخاخ يثبت لك 12 ساعه تقريباً ومايروح الا اذا غسلتي بـ غسول خاص للوجه او ازلتيه بمزيل مكياج 

تلقونه بـ ڤاڤافوم او وجوه 

  السعر

 

100 وعليها 

البعض يستعملونه بعد ماتنتهي من الميك آب تماماً والبعض قبل الميك آب 

الي يحطونه بالطريقه الثانيه قبل الميك آب قريت انو تثبت اكثر من لمن تحطينه اخر شيء ، بس ماجربت انا اخر شيء لمن انتهي من الميك آب 

ضروري يكون معاك يثبت مكياجك فتره اطول 

ويمنع من تشرب البشره للميك آب 

 - استعمالات اخرى 

وله استعمالات كثير غير انو يثبت تقرين تبخين منه ع جل ايلاينر او جل حواجب ناشف بخه بختين منه بعدين تحركينه يرجع لك جديد ، و كمان لو تبين تثبتين الأيشدو او تبين تبرزين اللون اكثر وتوضحينه بخه على الفرشه راح تعطيك لون قوي واضح وتثبت لك الأيشدو يعني يعتبر بديل لـ برايمر العين لو ماتوفر عندك ،

راح اصور لكم فديوهات بالإنستقرام عن استعمالاته تفيدكم 

ودايم اقولك حاولي تستفيدين من المنتج الواحد بأكثر من شيء يكون ينفع له وبديل عن شيء اخر ماتوفر لك 

حبيته وحبيت تثبيته صراحه ماجربت اي بخاخ من ماركه ثانيه بس لو جربت غيره راح اقولكم اكيد 

                  .....