FOUNDATION RIMMEL MATCH PERFECTION

كريم اساس ريمل ماتش بيرفكشن 

خفيف جداً على البشره تغطيته من خفيفه الى متوسطه 

قابل للبناء( قابل انك تزيدين كذا طبقه)

فيه حمايه من اشعة الشمس بنسبة 18

خفيف وسهل الدمج 

درجته 

071

سعره 

70 ريال 

من صيدلية بوتس 

كمان تلقونه بـ سنتر بوينت 

ينفع للبشره الجافه ولو كانت بشرتك مختلطه او دهنيه تقدرين تثبتينه بباودر ،

واحس ينفع بالشتاء لأن البشره تجف 

 

-ينفع استعمال يومي انصح فيه الي عندهم دوامات وكذا خفيف على البشره 

  

احس ينفع للي بشراتهم صافيه مافيها حبوب ولااثار لأن تغطيته زي ماقلت تعتبر خفيفه الى متوسطه ، بس اذا استعملتي معاه الكوريكتر المناسب لمشكلة بشرتك و كونسيلر راح يعطيك تغطيه الي انتي حابتها 

طبعاً جربته على امي بالبدايه لأن بشرتها جافه وجد جميل ويعطي لوك نظر وحيوي

هو درجته شوي فاتحه جاي على وردي كذا مناسبه لأمي ،وتناسبني كمان بس مااحب الدرجات الفاتحه فـ لمن استعمله اخلط معاه درجه غامقه من أي فاونديشن اخر ويطلع جميل 

                           ......... 

الجل الياباني كيور*

                       كيور 

                       Cure

                   Natural Aqua Gel

                 

هو مستحضر ياباني لتقشير البشره والتخلص من خلايا الجلد الميت خلال دقيقه واحده 

90% ماء 

لا يحتوي على اي مواد مهيجه للبشره 

بدون كحول 

فقط جل مكونه الاساسي الماء 

يقال انه يباع منه كل 12 ثانيه علبه ويعتبر الأكثر مبيعاً 

في اليابان 

المكونات 

الماء

الغليسرين 

الأكريلا ،كلوريد ،بروميد الألوه 

استخراج اوراق الجنكه بيلوبا مسحوق نبات 

روزماري انتزاع ورقه ، .. الخ اختصرت المكونات يعني لأن الكثير مابيهتمون لقرائتها ولا هي بتفيدكم اصلا كتبت لكم المهم فوائده ولأيش ينفع 

-لجميع مناطق الجسم 

-يتفاعل مع الجلد الميت فقط

- للمرفقين والركبتين والوجه ومنطقة الاندر ارمز.

-عند استعماله يجب ان يكون الجلد نظيف خالي من المكياج وخالي من الماء تماماً

-توضع كميه مناسبه للمنطقه المراد معالجتها وإزالة الجلد الميت ، وتفرك بلطف بحركات دائريه لمدة 30 ثانيه لكل منطقه 

-يشطف بالماء الفاتر 

-عدم ملامسته منطقة تحت العين لأنها منقطه حساسه ورقيقه 

-يستعمل مرتين -ثلاث في الأسبوع

-اذا تعانين من حساسيه يفضل مره واحده فقط

 يهيء الجلد للإستقبال الماسكات المرطبات اي نوع من الكريمات لأنه يزيل الجلد الميت الي يكون طبقه تمنع من وصول الكريمات واستفادة البشره منها 

فهمتوا فايدته ومو هوه بس اي مقشر ضروري مره -مرتين بالاسبوع

ضروري ينشال الجلد الميت بإستمرار  

عشان تستفيد بشراتنا من ماسكات كريمات مرطبات.. إلخ 

                                ...........

MAKE UP FOR EVER -AQUA LINER

من ميك اب فور ايفر اكوا لاينر 

رقمه

13 

سعره 

110 

(وتر بروف) ضد المويه

ينفع اذا بتسبحين وماتحبين مكياجك 

يخرب لانه يظل فتره اطول من الآيلاينر العادي 

او تحبي مكياجيك يظل فتره اطول 

مطفي يظل لوقت طويل يتقشر بس مايتقشر الا لمن تقشريه بيدك 

فرشته مو صعبه في مسكتها بالعكس مريحه وعمليه سهله في الرسم ،

مايخلص وينشف بسرعه يظل معك فتره طويله ، 

فيه عيب وهو انه لمن ترسمين ينشف بسرعه يبغالك تخفي يدك وتكوني سريعه لانك لو عدتي عليه ينشف ويبهت ويكون شكله كأنه متقشر 

ف يبغالك السرعه يعني احس ماينفع للمبتدئات او البنات الي يحوسون ويرسمون ويعيدون وكذا لانه بسرعه ينشف ع الجفن 

التعليمات المكتوبه على المنتج 

- رجه جيداً قبل الاستعمال 

- مايستعمل داخل العين 

اتركوا تعليقاتكم تحت 

                   ........

VITALUMIERE AQUA COMPACT CREME

             

              فايتالومير اكوا 

               كومباكت كريم 

الكومباكت كريم 

هو مستحضر مضغوط يكون ملمسه كريمي واذا انحط ع الوجه يتحول الى سايل ثم يتحول الى بودره باغلب الاحيان بس على حسب الماركه 

كومباكت كريم من شانيل 

جميل مرره وهو كريمي الملمس ويتحول الى سائل على البشره وينمد معك بسهوله 

ومايحتول الى بودره ع البشره يبقى ع نفس قوامه 

فيه معامل حمايه من الشمس بنسبة 

             SPF15 /PA++

ال SPF الكل يعرفها انها حمايه من الشمس 

وتكون بنسب معينه 

اما ال++BA يعني حمايه اعلى وتكون حماية من اشعة UVA الي هي الاشعه الوفق بنفسجيه 

اذا كانت +BA يعني حمايه اقل 

واذا كانت ++BA يعني حمايه متوسطه 

واذا كانت +++BA يعني حمايه عاليه 

حبيت اوضح لكم هالشي لان فيه كثير مايعرفون وش معناها 

درجته 

بيج روز 32 

سعره 

280 

جدا جميل خفيف على البشره ووتغطيته متوسطه الى عاليه يخلي البشره مخمليه ويعطي نظاره للوجه او منظر ديوي يعني ادمنته هالفتره مااستغني عنه 

       كونسيلر شانيل 

هو كوريكتر كونسيلر يعني مصحح وكونسيلر بنفس الوقت 

درجته 

40

طبعا غامقه لانه كوريكتر كونسيلر يعني لو اخذتي درجه فاتحه مابتسفيدين تغطيه للهالات 

شيء مرره حلو للهالات ينفع للي هالاتهم خفيفه او متوسطه ومايحتاجون ل كوريكتر برتقالي 

لانه غامق حطي منه شيء بسيط تغطيه بسيطه 

وزعيه وحطي عليه كونسيلر فاتح راح يغطي لك الهالات وماتحتاجين كوريكتر برتقالي

سعره 

185 

حبيته وحبيت قوامه وتغطيته ومره يخدمني بدال الكوريكتر احس ماراح استغني عنه 

اسئتلكم وتعليقاتكم اتركوها تحت 

             

                       .....

صابونة الفحم من لّش

                   

   

الصابونه كريميه تقريبا ماتجفف ابدا 

شي عجيب للحبوب والبقع الداكنه واثار الحبوب 

تعطي صفاء ونظاره للبشره ونعومه تمتص الدهون من الجسم وحب الشباب تعتبر مقشر متوسط خاليه من المواد الحافظه ،ممتازه لأصحاب البشره الدهنيه 

لها رغوه خفيفه ،

بعدها مابتحسين بجفاف او حكه 

بس ضروري ترطبين بعدها ،ريحتها جميله 

تنظف بعمق وتقشر بدون ماتسبب الجفاف القوي للبشره 

- اهم مكون لها الفحم طبعاً

الفحم النباتي له قدره على امتصاص الدهون 

وينظف ويقشر البشره بلطف 

- زيت خشب الورد وزيت خشب الصندل 

تساعد في تجديد الخلايا وطول عمر الجلد 

وتأخر التجاعيد وتقليل الاحمرار والعيوب 

بتلاحظين مع بداية استعمالها بتظهر لك حبوب في بشرتك هذا دليل على انها بدأت تتجاوب البشره معها ، لأن اي غسول او صابونه حتى وإن استعملتيها بوصفه طبيه من دكتور بيقولك ف بداية الاستعمال لازم تظهر لك بعض الحبوب وهذا بداية العلاج لانها تطلع لك الحبوب الي تحت الجلد 

وطبعا لازم تنتظرين كم اسبوع لين تبان النتيجه كل شيء تستعملينه مايبان من البدايه لازم وقت 

بالنسبه للجسم افضل انك تستعمليها بدون ليفه لأن فيها حبيبات احسها تغني عن الليفه لانها تقشر 

لي استعملها اكثر من اسبوعين طبعا فضيععه وخففت اثار الحبوب بشكل كبير وتقشر البشره لكن بدون ماتسبب الجفاف واعطت نظاره لوجهي ونعوومه 

للجسم تفتح مرره وتعطي نعومه وصفاء

انصح انك ماتستعملين الصابونه كلها خذي قطعه على حسب حاجتك لأنها تذوب بعد اربع او خمس مرات من استعمالها تذوب وتختفي كلياً

زي ماأنتوا شايفين القطعه الصغيره هذي استعملتها اربع مرات وكل مره تصغر اكثر

يتعاملون بالجرام زي صابونة الفحم وبعض الصابون عندهم يعطونك بالجرام وكل مازادت الجرامات زاد السعر 

جاتني هديه وللأسف ماأعرف كم حجمها ولا سعرها 

     

     

      من تجربتي انصحكم فيهاا بشده 

أي سؤال او تعليق اتركوه هنا تحت  👇

                 

                        .....

بعض الطرق للتخلص من القشره

فيه ناس عندهم قشره بدون سبب كذا من الله عندهم قشره 

وفيه ناس لا ماعندهم بس تطلع لهم بسبب الصبغات او انواع شامبو معين واحيانا تطلع القشره لمن تغيرين نوع الشامبو باستمرار 

وعلاجها انك تستمري على شامبو واحد يناسبك وراح تختفي وانا جربت 

بعد الصبغه ع الأغلب ممكن تطلع لك قشره وهذا طبيعي انا من الناس الي لمن اصبغ تطلع لي قشره يعني قشره غريبه وتطفح على الشعر وهذا الشيء طبيعي لانه فروة الراس تتأثر من الصبغه وانا بالنسبه لي تبدأ تطلع بعد ثالث اورابع غسله لشعري بعد الصبغه 

انا لمن طلعت لي القشره حاولت اعالجها بالطرق الي نعرفها 

-وهي خل التفاح بس مااستعملته لأنه ممكن يغير لون الصبغه بعد مارجعت لون شعري غامق صرت احطه وينفع كثير ومو بس يفيد للقشره لا كمان يعطي الشعر لمعه 

 - وفيه طريقه كمان بالملح 

تاخذين ملعقتين ملح خشن وتذوبينه في ماء 

والماء يكون كميه تكفي لغسل شعرك 

اذا ذاب تبدأين تصبين المويه على فروة الراس نفسها وتفركين بخفه وتتأكدين انك وزعتيه على فروة الراس كامله بعدها انتظري ١٠ - ١٥ دقيقه واشطفي شعرك عادي 

ثلاث مرات وتروح ان شاء الله 

- كمان فيه طريقة غريبه شوي وهي حثالة القهوه 

مو الي بالدله ويكون معها هيل وزنجبيل ..إلخ لا الحثاله الي تكون في براد القهوه يعني بُن فقط 

تفركين فيها الجلده وسرحي شعرك قبل تتسبحين وتسبحي عادي 

استخدمتها ثلاث مرات جد خفت من اول مره 

وبعد ثالث مره اختفت تقريباً 

فيه حل اذا مانفعت معك هالطرق ولا حتى الشامبو المخصص للقشره 

الحل انك تغسلين شعرك يومياً يوم بالشامبو ويوم بدون عشان شعرك مايجف ويتأذى من الشامبو 

هالحل انا مجربته ونفع معاي 

يعني الاهتمام مو بس بالترطيب لا كمان بالتخلص من القشره لأنها اكثر شيء مزعج ويخرب منظر الشعر وشيء محرج 

SKIN CARE ROUTINE

روتين العنايه بالبشره 

بتكلم عن روتيني للعنايه بالبشره هالفتره وايش المنتجات الي استعملها لاني بين فتره وفتره اغير 

الغسول الي استعمله غارنيه 

             

                SKIN NATURALS 

                 Pure Active 3in1 

                   

نزلت بوست عنه بـ الانستقرام 

تنظيفه للبشره ممتاز واحس بنعومه بعده لانه غسول ومقشر وماسك 

يعني بجد يفيد وينفعك لو انتي شوي بتهملين انك تعملين سكرب لبشرتك او ماسك ينفع 

تبين تعرفين عنه اكثر نزلت بوست عنه بالانستقرام 

مرطب البشره 

استعمل 

                BIODERMA

                 Atoderm pp

                   Baume

                          

للبشره الحساسه وشديدة الجفاف والمختلطه 

- كريم اصلاح حيوي مكثف وملين او مرطب بتركيبه بي بي الذي يمكن خلايا الجلد من إنتاج سيراميد والاحماض الدهنيه بشكل طبيعي ، يعيد غلاف هيدرولبديك 

- وينشط قدرة الحاجز الجلدي على اصلاح نفسه 

- يحتوي على المكونات النشطه المغذيه لتعزيز حاجز الدهون يجعل البشره ناعمه واكثر ليونه واكثر راحه 

- مناسب لبشرة الأطفال والبالغين الذين يعانون من جفاف جلدي شديد ومتكرر والتهيج 

- خالي من البارابين وخالي من العطور ومضاد للحساسيه 

-ينفع للوجه والجسم 

تقريبا هذي المميزات المكتوبه على المنتج 

السعر 

192 

تلقونه بصيدلية النهدي واكيد في صيدليات ثانيه 

طبعاً افضل مرطب بشره وترطيبه جدا عالي بس هالنوع للبشره الجافه انا بشرتي دهنيه بس احياناً تصير جافه طبعاً هالكريم لامي عشان مناسب لنوع بشرتها بس لو احتجت اني ارطب احط منه شوي بس احيانا يطلع لي حبوب بعد ماارطب لان كمية الزيت فيه عاليه والمرطبات الي تحسين اكثر مضمونها زيت تطلع حبوب ورؤس سوداء احياناً 

فيه مرطبات يكون مكونها ماء وهي الأفضل للبشره الدهنيه هذا كلام (الميك آب ارتست وعد التركي) بجد صح كلامها ،

لاني كنت استعمل كورس من ماركه ماادري اذا تعرفونها او لا اسمها باباريا هي منتج اسباني 

استعملته شهر او شهرين تكون مجموعه كامله * ان شاء الله اصورها لكم واتكلم عنها بالتفصيل وعن تجربتي لها * 

صح انا ماأحب استعمل شيء مااعرفه او مانصحني فيه دكتور بس هي  *غسول - وتونيك - ومرطب *

يعني اذا مافادت مابتضر واستعملتها صفت بشررتي مره والكريم المرطب احس مكونه مويه ولمن احطه يرطب وتتشربه البشره ولا يطلع لي حبوب لكن عيبها بعد ماتنتهي او بعد مااخلص الكورس تظل البشره فتره صافيه بعدين ترجع ,بس جد فادتني وحبيتها 

وعادي لمن تطلع لك حبوب وانتي مهتمه او ماشيه على كورس معين ممكن تكون تغير بالهرمونات او من اكل معين او ميك آب منتهي وما أنتبهتي لتاريخه يعني كذا سبب 

وبس شوفي وش اصل المشكله وعالجيها وتخلصي منها اذا انتبهتي لبشرتك ان شاء الله ماتخرب

- سكرب 

غسول غارنيه الي قلت عنه هو غسول وسكرب وقناع يعني يغنيني بأكثر الأحيان عن اي سكرب ثاني 

واستعمل هالمقشر من الصيدليه 

اسمها 

                     ST. MORIT z

                      APRICOT

                  FACAL SCRUP

                

            

ستي موريتس كريم صنفره منظف الوجه من خلاصة حبيبات المشمش 

ينشط الوجه ويجعله متألقاً ونظيف وحيوي حيث يقوم بإزالة القشور الباهته عن الجلد ، يحضر من خلاصة المشمش الحاف وبعض النباتات الملطفه للجلد مثل قشر الليمون والزهور والبابونج 

يجعل الجلد طري واكثر نقاء ونظافه 

هذي مميزات المنتج الي على العبوه 

بس جد فيها ماده مرطبه وتحسين انها تنظف وتعطي انتعاش ونقاء 

وتقريباً اي مقشر يعطي نفس هالنتائج 

- طريقة الإستعمال 

ضعي من المستحضر على الوجه والرقبه ودلكي بحركه دائريه تجنبي منطقة العيون ثم اشطفي بعد الاستعمال بالماء الفاتر 

خذي من الصيدليه اي صنفره للبشره بأي نكه تحبينها بالعاده السكرب مايضر البشره الا لو استعملتيه بشكل غلط مثل انك تدلكي بقوه او تستعملي السكرب مع جهاز تنظيف الوجه طبعا الجهاز ماينفع معه ابد تستعملي سكرب كذا بيأذي بشرتك بشكل كبيير واصلا السكرب يكفي ولازم بلطف تستعمليه ، المهم سكرب كل اسبوع مره 

وفيك تستعملي سكرب طبيعي مثل زيت زيتون وملح او سكر بس الي بيتحسس وجهها تستعمل اي شي مناسب لها 

 - ماسك

اي ماسك تبين اما من الصيدليه او طبيعي من البيت مثل ماسك العسل اوالزبادي 

او ماسك الخيار والزبادي مع بعض اي ماسك انتي حابته استعمليه الماساكات احب انوع فيه كل اسبوع حاجه غير الحين استعمل ماسكات طبيعيه لو استعملت شيء من الصيدليه بصورلكم 

- واقي الشمس 

      EAU THERMALE Avène

              

استعمل هالواقي كلنا نعرف انو الواقي من الشمس شيء ضروري لازم يكون معنا ع طول لأنه يحمي البشره من الاشعه الفوق بنفسجيه الضاره بالجلد فيه ناس يتسعملونه بس بالصيف 

لاحتى بالشتاء الشمس ترسل اشعتها الضاره طوال السنه 

لازم تستعملين واقي مناسب لنوع بشرتك 

* نصائح مهمه 

- تجنبي التعرض لـ أشعة الشمس المباشره من فترة الظهر الى وحتى الرابعه عصراً 

- استعملي واقي الشمس المناسب لبشرتك 

- اعيدي وضع الواقي اذا تعرضتي للمياه مثل السباحه او الوضوء او العرق 

- وضع كميه مناسبه لأن وضع كميه اقل من المطلوب لاتعطي الوقايه المطلوبه 

- ارتداء نظارة شمسيه 

- استعمال واقي الشمس حتى في الظل لان أشعة الشمس تنعكس على بعض الأسطح مما قد يعرضك لحروق الشمس في حالة عدم استعماله 

                EAU THERMALE 

                       Avène

لها مجموعه كبيره من واقيات الشمس 

استعملي مايناسبك منها 

- فيه اعلى حمايه ممكنه SPF 50 

- مناسب للبشره الحساسه والأطفال 

- مقاوم للماء بنسبه كبيره 

- مضاد للأكسده والتجاعيد 

هالواقي فيه معامل الحمايه SPF 50

يعني اذا قارنته في واقي بيوديرما هذا الافضل لان بيودريما كأنه فاونديشن ولونه فاتح مره يعني يقلب البشره على رمادي مع ان بشرتي فاتحه بس هو فاتح بزياده بس لمن كنت استعمله احط فوقه فاونديشن خفيف عشان لونه 

كنت استعمل بويديرما هو من افضل واقيات الشمس بس هالعيب الي ذكرته هو الي مضايقني منه بس تقدرين تتلافين هالشيء زي ماقلت بـ فاونديشن او بودوه .. بس افضل الواقي يكون ماله لون الحين استعمل واقي آفين وحبيته

         

             

                            ..... 

روتين العنايه برمضان

 

كلنا نعرف اننا نهمل الاهتمام بأنفسنا شوي برمضان بحكم الشغل ومافيه وقت وانا بعد كنت من الناس الي أهمل بس الحين خلاص مافيه اهمال حتى لو الوقت ضيق ومايمدي 

نخصص لنفسنا يوم بكل اسبوع وبـ هاليوم ساعه ساعتين تكفي وحتى اقل من هالوقت ممكن يكفينا بس كـ حد اقصى 

الشعر 

قبل تدخلين المطبخ اعملي حمام زيت لشعرك بأي زيت انتي حابته وخليه يترطب هالكم ساعه الي بتشتغلينها ولمن تخلصين شغل تغسلين شعرك 

وتحطين له ماسك وتحاولين انك ماتستشورينه وماتعرضينه للحراه ريحيه بحكم ان الزيارات والمناسابات تقل برمضان او حتى لو فيه يعني ريحيه بالوقت الي مايكون عندك مناسبات 

واتركيه لمن يجف اظفريه بس لاتظفرين وهو مبلل لأنه اكبر غلط يضره ويكسر الشعر 

بس وهو ناشف لاني قلت لكم بتدوينه العنايه بالشعر ان الظفر يحفظ الشعر من التساقط ويرتبه وبكذا يكثر شعرك ولو بنسبه بسيطه 

مو شرط انك تعملي حمام زيت ، فيه ناس يحبون يحطون حنا لشعرهم حطي حنا ، خلطات 

اهتمي بشعرك بالاهمتام الي تحبينه او الروتين الي تمشين عليه دايم ، اهم شيء لاتهملينه 

في الليل ابدأي ببشرة وجهك وجسمك بعد ماتنتهين من الصلاه وقراءة القرآن كلها ساعه او أقل 

البشره 

امشي على روتينك العادي اقل شيء بتسوينه 

وهي الغسول التونيك مقشر مرطب يعني لاتهملين وخصوصا بهالشهر الفضيل نتعرض لحراره الفرن واحنا بنطبخ وهالشيء يأثر ع بشراتنا اكيد مع حرارة الجو بتطلع لنا حبوب صغار ودهون ف لو حافظنا اقل شيء ع روتينا العادي الغسول والتونيك وكريم مرطب ...إلخ

يقلل شوي من هالمشاكل 

غير هالروتين لازم ماسك مره او مرتين بالأسبوع 

لانها بجد تحسن البشره وتعطي نضاره يعني لو انتي من الناس الي تهملين الماسكات وبديتي تحطينها بتشوفين فرق كبير بعد ماتستمرين عليها

ماسك من الصيدليه اي ماسك تحبينه او ماسك طبيعي تعملينه بنفسك 

والاهتمام في البشره مايقتصر على بشرة الوجه وانا اتكلم عن هالروتين امشي عليه لوجهك وجسمك 

سوي سكرب كل اسبوع لكامل جسمك والتركيز على اليدين والركب والمرفقين لأنها اكثر اماكن تسمر 

-زيت زيتون وسكر او ملح 

-بيكربونات الصوديوم وليمون هـ الأخير تكلمت عنه قبل ونتائجه تبان بعد شهر تقريباً الحين معك شهر يمديك 

- وصنفره من الصيدليه سواء لوحدها او مع حمام سونا كلها تفيد البشره وتغير منها مو تسوينها مره مرتين وتقولين مافادت لا اعمليها كل اسبوع وشوفي بشرتك شلون تتحسن سواء وجهك او جسمك

 وانا جد مااقولك اني اهتم الاهتمام المبالغ فيه الي مو اي احد بيقدر عليه او مو اي وحده بتصبر عليه لا انا احب الاشياء الخفيفه بس الي تجيب نتيجه وتفيد 

يعني ماقلتلكم اشياء صعبه او مكلفه اشياء عندكم متوفره بس تهملونها احياناً 

لوجهك

- غسول ،مقشر ،مرطب ،ماسك

ويصير يازينه 

لجسمك نفس الشيء 

ومرطب بعدها قد ماتقدرين ترطبين ، دائماً اقولكم  هالكلام وطفشتكم منه بس جد اهتمام وتقشير وتتعبين نفسك وماترطبين ماكأنك سويتي شيء وبتكون النتيجه عكسيه 

الاظافر 

اهتمي فيها استعملي لها مقوي لو كانت طويله مره وتتكسر قصيها من هالوقت عشان يمديها تطول ويجي العيد وطولها معقول وحلو لأنك لو طولتيها من الحين لين العيد بتطول بزياده ماحب طول الأظافر الاوڤر مره مقزز 

بس زي ماقلت قصيها وابرديها بالشكل الي تحبين وخليك لابسه القلافزات وانتي تشتغلين وتغسلين عشان يدينك واظافرك ماتتضرر ، لمن يكون ماعليك صلاه حطي المقوي في هـ الكم يوم الي ماتصلينها بتفيد اظافرك مرره 

الماسكات 

ماسك العسل 

العسل ينقي البشره ويخفف من تهيج البشره يعني يريح البشره ومفيد 

-ماسك الزبادي 

الزبادي معروف يصفي البشره وكمان يعتبر مقشر للبشره طبعاً بنسبه خفيفه جداً ويفتح البشره 

-ماسك الزبادي والخيار 

فيه ناس يحبون يحطونها مع بعض يعتبر ماسك ممتاز الزبادي زي ماقلت يصفي ويفتح والخيار يعطي ترطيب وحيويه وانتعاش ويصفي البشره 

-ماسك الأفوكادو 

تجيبين افكادو تخلطيه مع زبادي او لحاله يعطي نظاره للبشره ويصفيها ، وكمان للشعر شيء مو طبيعي يعطي لمعه فضيعه 

تقريباً هذي اغلب الماساكات المفضله الي نتايجها تبان مره بعد مره 

ولو حابه اي ماسك من الصيدليه مايضر وانا قريت كثير انو الماسكات اذا مافادت مابتضر 

يعني الماساكات والله انها شيء حلوو وتغير. من بشرتكك كثيرر وترا الاهتمام يبان 

كمان حاجه مهمه انه مظهرك يكون مرتب حواجبك رتبيها شقريها من اسبوعين الى ثلاثه 

مو كثير ترهقين حواجبك عشان لمن تشقرين للعيد يكون شكلها حلو ، عشان يكون شكلك مرتب ولو حصلت لك مناسبه معينه او زياره مفاجأه تكونين مرتبه وماتنحاسين 

اخر شيء لاصرتي فاضيه حاولي تسترخين تعملين لك حمام وحطي لك رغوه بالنكهه الي تحبينها استرخي شوي بالمويه هالشيء يجدد لك الطاقه وتسترخين بعد التعب والشغل ويريحك وذهنك يصفى ونفسيتك ترتاح

 ماعطيتكم في هالمدونه منتجات بس عطيتكم افكار 

واشياء بسيطه تعملونها  

حاولت اعطيكم روتين بسيط تمشون عليه وبجد بيفيدكم كثير

يعني اذا اهتميتي مابتجي ليلة العيد وانتي يبيلك شغل كثير وتعب لا بيكون خفيف اهتمامك عشان كذا اهتمي لين العيد وتشوفين ، مو تجي ليلة العيد وانتي كلك مشاكل ومو عارفه من وين تبدأين وايش تسوين لو اهتميتي يخف عليك كثيير ويجي العيد وانتي وش زينك  وتشتغلين بأشياء ثانيه وتوفرين على نفسك وقت وجهد 

                  .......

   بخاخ ميست فكس من فور ايڤر

              

              MAKE UP FOR EVER

                      MIST & FIX 

بخاخ مثبت المكياج (سبريه) يثبت لك الميك آب فتره اطول ويحافظ عليه من التأثر بالعوامل الخارجيه مثل درجة الحراره الي ينتج عنها ذوبان المكياج في اغلب الأحيان ، ويحل مشاكل بعض البنات الي تحس انو بشرتها تتشرب الميك آب وبعد فتره قصيره بدأ يخف وتمتصه بشرتها وتظطر انها تعيد عليه هالبخاخ يثبت لك 12 ساعه تقريباً ومايروح الا اذا غسلتي بـ غسول خاص للوجه او ازلتيه بمزيل مكياج 

تلقونه بـ ڤاڤافوم او وجوه 

  السعر

 

100 وعليها 

البعض يستعملونه بعد ماتنتهي من الميك آب تماماً والبعض قبل الميك آب 

الي يحطونه بالطريقه الثانيه قبل الميك آب قريت انو تثبت اكثر من لمن تحطينه اخر شيء ، بس ماجربت انا اخر شيء لمن انتهي من الميك آب 

ضروري يكون معاك يثبت مكياجك فتره اطول 

ويمنع من تشرب البشره للميك آب 

 - استعمالات اخرى 

وله استعمالات كثير غير انو يثبت تقرين تبخين منه ع جل ايلاينر او جل حواجب ناشف بخه بختين منه بعدين تحركينه يرجع لك جديد ، و كمان لو تبين تثبتين الأيشدو او تبين تبرزين اللون اكثر وتوضحينه بخه على الفرشه راح تعطيك لون قوي واضح وتثبت لك الأيشدو يعني يعتبر بديل لـ برايمر العين لو ماتوفر عندك ،

راح اصور لكم فديوهات بالإنستقرام عن استعمالاته تفيدكم 

ودايم اقولك حاولي تستفيدين من المنتج الواحد بأكثر من شيء يكون ينفع له وبديل عن شيء اخر ماتوفر لك 

حبيته وحبيت تثبيته صراحه ماجربت اي بخاخ من ماركه ثانيه بس لو جربت غيره راح اقولكم اكيد 

                  .....

ماسك الشعر

 

طبعاً ضروري جداً تستعملي ماسك للشعر لأنه مهم لمعالجة التلف ويحمي شعرك من حرارة الليس غير كذا يغني عن البلسم وأفضل مره احس لازم كل بنت يكون عندها 

هذا الماسك من

                        GARNIER

                    FRUCTIS

               "FORTIFYING MASk "

                SLEEK &SHINE 72H 

               ماسك مقوي 

مكوناته 

- فيتو

- كيراتين 

- زيت الأرغان 

فيه أنواع ثانيه فيها غير هالمكونات وهذا جديد اول مره اجيبه الي كنت اجيبه اول مافيه هالمكونات عادي او له مكونات ثانيه بس ناسيه وماأحتفظت بالعلبه المهم كل وحده تعرف شعرها ايش يحتاج له ومدى الضرر الي بشعرها والتلف 

وتاخذ الي يناسبها او تعطي الصيدلي معلومات عن نوعية شعرها وهو بينصحها بالي يناسبها ويحتاجه شعرها 

_ سليك اند شاين ٧٢ ساعه الغني بالفيتو-كيراتين وزيت الأرغان ، يقوي ويغذي الياف الشعر بعمق تكنولوجيته التي تحتوي على مقاومه ثلاثيه تملس الشعر لمدة ٧٢ ساعه وتجمع حمايه ثلاثيه ضد التجاعيد ، الكهرباء الساخنه والرطوبه حتى نسبة ٩٧٪ 

هالمعلومات مكتوبه على العبوه وهي راح تشوفينها من اول استعمال ومره ضروري الي صابغه شعرها وتعاني من التلف وجفافه لمن تستحم وتحس انها مو قادره تمشطه او مايتفكك معها لمن تمشطه هذا الماسك مره حلو وينفع ويفكك الشعر وتمشطينه بكل سهوله ومايتعبك 

طريقة الأستعمال 

بعد الشامبو تضعين على الشعر وهو رطب كميه كافيه من المستحضر دلكيه حتى اطرافه وتجنبي الجذور ، اتركيه على الشعر لمدة دقيقه ثم اغلسيه

وفيه انواع منه طبعاً لـ الشعر التالف والمتقصف والمصبوغ ...إلى آخ 

هذا الي معاي للشعر السميك ، الجاف جداً او المجعد 

شعري مو سميك بس جاف وتضرر وتجعد شوي بعد الصبغات 

تلقونه بصيدلية النهدي او اي صيدليه ثانيه مااعرف بس اكثر شيء القاه متوفر بالنهدي 

السعر 

30 ريال 

ماسك قبل الإستحمام 

مو كل الماسكات بعد الأستحمام لافيه قبل 

مثل بديل الزيت وكذا 

هذا الماسك من 

                           GARNIER

                       FRUCTIS

            "DEEP REPAIR MASK" 

                ماسك عنايه بالعمق 

* مكوناته 

- كيرافيل 

- زيت فاكهة الأملا 

* للشعر 

شديد التلف وخالِ من الحيويه

-تركيبته 

غنيه بالكيرافيل وزيت فاكهة الأملا ، تعالج الشعر من الداخل والخارج وتختم تشقق الشعر الناتج عن التلف 

- نتائجه 

شعر اقوى من الجذور حتى الأطراف 

١٠ مرات اطراف اقوى ، تقصف اقل 

هالكلام كله مكتوب على العبوه وبتلاحظينه من بعد تقريبا كم مره من الاستعمال 

طريقة الأستعمال 

تضعينه على شعر جاف ودلكيه بلطف ، ثم اغسلي شعرك بالماء جيدا

ماأدري اذا فيكم بعده تغسلون شعركم بالماء فقط او لا بس انا اذا شعري كان دهني وحطيته ومظطره انظفه بالشامبو صراحه اغسله بشامبو بس اذا نظيف ومايتحاج اكتفي فيه 

تقريباً هو زي اي كريم او زيت او بديل الزيت الي بتحطينها قبل الأستحمام وبتغسلين شعرك بعده بشامبو،  بيفيدك والشامبو ماراح يخرب معالجته لشعرك ولا شيء زيه زي اي كريم قبل الاستحمام 

بس لو شعرك يحتاج ترطيب فـ حطي الماسك الي بعد الأستحمام او بلسم 

تلقونه بأي صيدليه 

سعره 

ماأذكره بس اتوقع نفس سعر الماسك العادي حدود 30 ريال تقريباً ماأتوقع السعر يختلف