الاهتمام في البشره

مرحبا اليوم بتكلم عن الأهتمام بالبشره في البدايه وقبل ماأتكلم عن اشياء او خطوات ممكن تعملينها للأهتمام

 بالبشره *

اذا بشرتك تعبانه وتعانين من حبوب وبثور ومشاكل كثير ... إلخ

لازم وضرووري جداً تروحين لدكتور بشره لان هذي المشاكل ماراح تنحل بخلطات او وصفات او اي مستحضرات انتي ماخذتها من كيفك ابداً ماينفع . ولأني مجربه وانا بشرتي تعبانه مانفع معي اي شيء الا اني اروح لدكتور بشره حالياً بشرتي فيها مشاكل وبروح بإذن الله واعالجها ماعلينا المهم زي ماقلت لازم تروحين لدكتور مختص وهو يشوف حالتك ويقرر وش يعطيك كثير بنات تلعب في بشرتها وتتسخدم اشياء من كيفها او اي احد نصحها فيه وتروح تاخذه ماينفع حتى لو كان مستحضر طبي ومثلا صاحبتك اواختك قالتلك جربي هالكريم او الغسول او حبوب "ايوه فيه بنات متهورات كذا تستخدم اي حاجه" ،وصفه لي دكتور ونفعني بتقولين عادي شيء طبي ووصفه دكتور ونفعها لا ابداً مو عادي لان كل بشره تختلف عن الثانيه 

اذا كنتي حابه تهتمين في بشرتك في البيت لان وقتك مثلاً ماساعدك تروحين للدتكور او مافضيتي او عشان نظام يومك اذا كنتي تداومين و...إلخ 

بقولك على خطوات يمكنك استخدامها في البيت وماتضر : 

تنظيف البشره 

- اول حاجه تشترين لك غسول للبشره ممتاز ويناسب نوعية بشرتك اذا كانت جافه او شديدة الجفاف او مختلطه او دهنيه 

وممكن ماراح يناسبك يعني مو بالضروره انو الغسول لنوعيه بشرتك ان كانت دهنيه او غيرها 

 راح يناسبك ممكن مايناسبك وتحسين طلع لك مشاكل اتركيه وجربي غيره 

يعني جربي لحد ماتشوفين نتيجتها بنفسك مو من اول مره. استخدميه اسبوع وبعدها قرري اذا نفعك او راح تشوفين غيره 

من الغسولات الي استخدمتها

    "BIODERMA"

يعني ماحبيته ابداً ومانفعني طلعلي حبوب زياده وجفف بشرتي مرره مره 

وحاولت اني اصبر واشوف لين النهايه لأن اغلب الغسولات الي تطلع حبوب هي كويسه يعني تنظف البشره من العمق من داخل تطلع كل الحبوب لبرى وتظل تطلع حبوب لين تصفى البشره  

صبرت شهر كل ماله يزيد وماحبيته ابداً ماناسبني يعني مدري ماحبيته بس اكيد ممكن يناسب غيري 

وكمان استخدمت غسول

 "REXOl"

هالغسول صرفه لي دكتور بشره مره جمميل حبيته ونفعني مرره يعني احس لمن استخدمه ينظف البشره بدون مايجفف وبما ان بشرتي دهنيه احس يقلل من افرازات الدهون بس بدون مايجفف زي ماقلت مره جميل 

يعني ماسبب لي اي مشاكل 

صرفه لي دكتور ومع علاجات وكريمات بس الغسول الشيء الوحيد الي نفعني منها فبغير الدكتور واشوف 

_ ثاني شيء اشتري التونر او التونيك من نفس نوعية الغسول

   ترطيب البشره 

فيه كريمات ترطيب البشره كثيره شوفي اكثر نوع يناسبك ويكون مناسب لنوعية بشرتك 

واذا كنتي تقشرين بشرتك ضروري الترطييب لان لو مارطبتي بشرتك بعد التقشير تزيد مشاكلها وراح ترجع الحاله اسواء مما كانت عليه 

والترطيب هو نص جمال البشره 

   الوقايه من الشمس

وكريم واقي للبشره يحمي بشرتك اذا كنتي تتعرضين للشمس ضروري يكون فيه معامل الحمايه SPF 

مناسب لحماية البشره من اشعة الشمس الضاره

وافضل واقي شمس اسخدمته  

        "BIODERMA"

هذا الواقي مره جميل ينفع ومايسبب اي مشاكل للي تداوم ضروري يكون عندها هالواقي حتى لو تحط ميك آب ضروري قبله تحطين الواقي 

 

يعني بتقولون انتي تقولين انو لاتستخدمون شيء من كيفكم الي اقصده بكلامي في البداية الي تستخدم خلطه او كريم ماهي عارفه ايش هوه او اي منتج..إلخ 

وبقولكم هذي عنايه يوميه مهمه جداً ان الكل يستخدم هالأشياء الضروريه وهي من ضرورات العنايه بالبشره وراح تخفف مشاكل بدال ماتتركين بشرتك بدون اي عنايه وتقولين لا انتظر لين اروح الطبيب وحتى لو رحتي الطبيب غالباً كورس البشره مايبان الا بعد 6 شهور لين تبان النتيجه وتبدأ تنحل المشاكل وممكن كمان ماتتجاوب بشرتك مع العلاج حتى لو استمريتي فتره اطول ولو غير لك الدكتور العلاج ممكن كمان مايناسبك مو تستسلمين روحي دكتور ثاني وان تجاوبت بشرتك مع العلاج استمري مع الدكتور وان ماتجاوبت شوفي دكتور كمان لا تستسلمين ابداً كل مشكله ولها علاج  

هذي نصيحتي للناس الي بشرتها تعبانه وعندها مشاكل مثل حالتي

اما الناس الي مايعانون من مشاكل وبشراتهم صحيه ومثاليه
اولاً ضروي الاهتمام حتى وان كنتوا تشوفون انه مو ضروري عشان تظل البشره جميله وصحيه
وهي كالتالي :
غسول بشره ينفع لنوعية بشرتك
وتونر لانه يقفل المسام ويقلل من الزيوت الزائده في البشره
وكريم مرطب سواء كان من نفس نوعية الغسول او كان اي منتج اخر ويناسبك
الأكثار من شرب الماء للحالتين سواء الي عندهم مشاكل في بشرتهم او الي بشرتهم جميله ومافيها مشاكل
لان الماء يساعد على ترطيب البشره ويقلل من من البثور ويشد البشره ويعطيها نظاره وصحه
وفوائد عديده وكثيره

في النهايه والي حابه اوصله لكم ان الأهتمام ضروري سواء فيه مشاكل في البشره او مافيه
لان في كل الحالتين يحسن ويفيد البشره ومره ضرووري

 

* ملاحظه

صور الغسولات والواقي من النت لأنها مخلصه وماأحتفظت بالعلب ولا كنت صورتها  

لأني استخدم غسول جديد راح اقولكم عنه ان شاء الله في المرات الجايه '

وطبعاً انا مابتكون مدوناتي عن الاهتمام بالبشره لاني مو خبيره في هالشيء و بس شيء تعلمته وافادني وقلت افيدكم

ولان انا الي راح اتكلم عنه في المدونات الجايه الميك آب والشعر والفاشن بس قلت قبل ابدا في مواضيع الميك اب لازم اتكلم عن الاهتمام في البشره لان البشره اذا كانت صحيه ومافيها عيوب راح يكون الميك آب عليها بيرڤكت
ولازم نهتم فيها عشان نحصل على المكياج الي يرضينا ..